Фото: Принтскрин
Против 64-годишен маж од Македонски Брод е поднесена кривична пријава под сомнение дека извршил полово насилство врз малолетно девојче од истиот град, информира Министерството за внатрешни работи.
Според информациите, осомничениот не е непознат за органите на прогонот, бидејќи девојчето и претходно било жртва на негови напади. За случајот биле запознаени и социјалните служби, но и покрај укажувањата, од нивна страна немало соодветна реакција.
„Б.С. се сомничи дека на 03.04.2025 во Македонски Брод бакнувал и допирал по телото малолетно девојче од Македонски Брод. На настанот од 03.04.2025 му претходел ист таков настан на 07.03.2025 од Б.С. кон истото девојче, за што од страна на очевидци било пријавено во Центарот за социјални работи во Македонски Брод, но од нивна страна не биле преземени никакви мерки, за што ќе следат дополнителни активности за целосно расчистување на настанот“, соопшти полицијата.
