Фото: Принтскрин
Денеска продолжи судскиот процес во Кривичниот суд во Скопје за случајот со двојното убиство на Вања Ѓорчевска и Панче Жежовски. Првообвинетиот, Љупчо Палевски, попознат како Палчо, изрази желба да постави 97 прашања на сведокот Влатко Кешишев, кој веќе сведочеше во текот на претходните расправи.
„Имам 97 прашања. Ги прочитав сите записници од Јавното обвинителство и ги користам за да формулирам квалитетни прашања, а не ги цитирам директно. Се надевам дека тоа не е тешко кривично дело, бидејќи имам сознанија за контрадикторностите во сведочењето на Кешишев, што е причината зошто не беа прочитани неговите записници“, кажа Палчо.
Кешишев на претходното рочиште даваше исказ, а неговиот адвокат побара Палчо да се отстрани од судницата зашто се плашел од него.
