Познатата македонска новинарка, Вики Ристоска-Чадиковска, предизвика големо внимание со порака која ја сподели на својата Фејсбук страница.
„Има ли разлика?
Пратеник во Бугарија организираше хумана акција и успеа да собере околу 40 илјади евра за трагедијата во Кочани.
Скоро во истото време, пратениците од Македонија одлучија да земат 10 дена одмор, за да не влегувале во конфликт, замислете.
Во прв миг помислив дека ова е невистина. Едноставно ми беше неверојатно…
Во мигови на ваква национална трагедија, да се нема чувство за одговорност за мене е несфатливо и неприфатливо.
Во овие моменти секој од нас треба да биде солидарен и да даде поддршка. Ама не, нашите пратеници одбраа да бидат себични политиканти.
Сега е време сите да бидеме обединети и да поттикнуваме најразлични активности со кои ќе им помогнеме на жртвите и нивните семејства. Пратениците требаше да бидат пример, ама ете, тоа не се случи. Веројатно ќе бидеме запишани во историјата како прв ваков пример. За друг искрено, не сум чула“, ни прочитала, напиша познатата македонска новинарка и водителка, Вики Ристоска-Чадиковска.“
