Познатиот српски пејач Владо Георгиев вечерва е приведен од полицијата на регионалниот пат Пљевља-Ранче, пренесуваат регионалните медиуми.
Според првичните информации, тој управувал моторно возило под дејство на алкохол, при што во неговата крв била утврдена концентрација од 1,22 промили, што е над дозволената граница.
По полициската контрола, Георгиев бил спроведен во Центарот за безбедност во Пљевља, каде што бил подложен на дополнителен распит. Засега не се објавени официјални детали за тоа какви мерки ќе бидат преземени против него.
