Грчката полиција приведе 220 лица, од кои 73 се уапсени, по масовниот протест во Атина, организиран во знак на сеќавање на жртвите од железничката несреќа кај Темпи. Инцидентите што избувнаа за време на протестот резултираа со над 60 повредени лица.
Протестниот собир започна мирно, но тензиите ескалираа кога групи демонстранти се судрија со полицијата пред спореден влез на грчкиот парламент. Демонстрантите фрлаа молотови коктели, камења и метални предмети кон полицајците, кои возвратија со солзавец, шок-бомби и водени топови за да ја растераат толпата.
Според соопштението на грчките власти, во нередите биле повредени 29 припадници на полицијата, додека 34 граѓани побарале лекарска помош поради повреди и проблеми со дишењето. Меѓу приведените, според извори од истрагата, има и членови на навивачки групи од атинските фудбалски клубови.
Овој протест беше дел од низата собири што се одржуваат секоја година во знак на протест против безбедносните пропусти во железничкиот сообраќај, кои ја предизвикаа трагедијата во Темпи, при што загинаа 57 лица.
BREAKING: MASSIVE riots in Athens, Greece! 🚨🇬🇷 💥
— Global Dissident (@GlobalDiss) February 28, 2025
Hundreds of thousands in the streets for the General Strike.
Mainstream media staying quiet pic.twitter.com/5ed3mNcwrp
