Министерот за здравство, Арбен Таравари, во Неделното интервју за „Радио Слободна Европа“ изјави дека македонскиот здравствен систем бил во катастрофална состојба кога го презеле, опишувајќи го како „девастиран и комплетно дегенериран“.
Тој нагласи дека е нереално да се очекува за само седум до осум месеци да се направи радикална трансформација и од македонското здравство да се создаде систем споредлив со оној во Норвешка или Шведска.
Според министерот, во изминатиот период се преземени конкретни чекори за подобрување на состојбите во рамките на реалните можности.
Таравари посочи дека е потпишан колективен договор со медицинскиот персонал, а паралелно се работи и на подобрување на условите во јавните здравствени установи.
