Нападот што се случи во австрискиот град Вилах, каде што 23-годишен Сириец со нож усмрти 14-годишно момче и повреди уште четири лица, австриските власти го квалификуваат како терористички акт со исламистичка позадина.
Министерот за внатрешни работи, Герхард Карнер, во своето обраќање истакна дека нападот е поврзан со терористичката организација Исламска држава.
„Ова е исламистички напад со директна врска со Исламската држава. Осомничениот, кој легално престојувал во Австрија, се радикализирал преку интернет“, изјави Карнер.
