Женската ракометна репрезентација на Македонија ќе биде ослабена во претстојните квалификациски натпревари за пласман на Светското првенство, откако селекторот Кристијан Грчевски нема да може да смета на Јована Саздовска, која ја завршува својата репрезентативна кариера.
Натпреварите против Шведска, Турција и Унгарија беа последни во репрезентативниот дрес за левото крило, која со своите настапи остави значаен печат во македонскиот женски ракомет.
Таа беше дел од македонската репрезентација на двете европски првенства во 2022 и 2024 година.
