Во Хрватска, прометот во трговијата на мало вчера до 15 часот бил намален за 42%, додека бројот на издадени фактури бил помал за 31% во споредба со петокот, 17 јануари, според податоците на Даночната управа.
Намалување на прометот се забележало и на ниво на сите дејности, каде што вкупниот износ на фактури бил намален за 23%, а бројот на издадени фактури паднал за 21% во споредба со истиот период пред две недели.
Ова намалување е последица на општиот бојкот кој го организираше платформата „Ало, инспекторе“. Поради високите цени на производите, потрошувачите беа повикани да се воздржат од купување во текот на целиот ден.
Поради ова голем број трговци најавија дека ќе бидат намалени цените на производите.
