Потрагата по 28-годишниот Миле Тодоров од Неготино продолжува веќе трет дена, откако тој исчезнал на 30 јануари. Тодоров, кој тогаш дал оставка на своето работно место во Кавадарци, заминал во непознат правец околу 8 часот наутро.
Според информациите кои ги има неговото семејство, Миле најверојатно пеш се упатил од Кавадарци кон Неготино, а околу 10:30 часот бил забележан во близина на селото Марена.
Во текот на вчерашниот ден, неговиот мобилен телефон бил пронајден покрај реката Луда Мара, помеѓу селата Глишиќ и Марена, недалеку од локацијата позната како Три багрема.
Семејството и полицијата продолжуваат со интензивна потрага и апелираат за помош од јавноста во обидите да го пронајдат.
