55-годишниот Златко Крстевски, еден од најистакнатите уметници од Прилеп и вистински културен амбасадор на градот, живее во крајно тешки услови, објави „Сител“.
Со 30 самостојни изложби во Македонија и странство и учество на повеќе од 700 меѓународни групни изложби, неговото творештво има оставено значителен белег. Сепак, зад неговите уметнички достигнувања се крие горчлива реалност.
„Сител“ објави дека седум месеци Крстевски живее без електрична енергија, бидејќи не е во можност да плати долг од 12.000 денари кон ЕВН.
Неговото секојдневие во студените зимски месеци е исполнето со борба за основно преживување – на минусни температури, тој седи облечен со капа, јакна и покриен со кебиња, обидувајќи се да се заштити од студот.
Видео: Сител
