Костески: Изгинавме на теренот за Македонија!

Македонската ракометна репрезентација освои бод против Унгарија на почетокот на Светското првенство (СП), а Ненад Костески вели дека дале сè од себе на теренот.

Македонија одигра тежок натпревар, а беше и до победа, меѓутоа на крајот мораше да се задоволи со бод.

„Ова беше тежок натпревар, навистина исцрпувачки. Мислам дека го дадовме максимумот, малку недостигаше да извојуваме победа, но главата горе и одиме понатаму. Ова е одличен резултат за нас, изгинавме на терен и покажавме дека вредиме многу како репрезентација. Ова ќе биде мотивација за нас да одиграме уште еден квалитетен меч против Холандија, па и да се израдуваме на крајот“, кажа Костески.