На престижниот натпревар American Protégé, кој традиционално се одржува секоја година во познатиот Карнеги Хол во Њујорк, на 27 декември 2024 година, блескаше и 12-годишната Агнеса Русомаровска од Скопје.
Овој натпревар, кој собира млади таленти од целиот свет, нуди натпреварување во повеќе категории, вклучувајќи изведби на разни инструменти, класично пеење, оперско пеење и изведби од Бродвеј и театарска музика.
Агнеса се натпреваруваше во категоријата „Бродвеј“ со изведба на познатата песна Tomorrow од мјузиклот Annie. Нумерата ја изведе со пијано придружба и тоа без употреба на микрофон, што ја истакна нејзината чиста вокална техника и вештина.
Оваа млада уметничка својата љубов кон музиката ја негува уште од својата четврта година.
