Македонскиот одбојкарски репрезентативец и професионален пожарникар, Дарко Ангеловски-Шаби, повеќе не е ерген, откако на оригинален и романтичен начин ја запроси својата долгогодишна партнерка, Меги.
Шаби, познат по својата енергија и креативност, ја побара раката на Меги за време на еден авионски лет, претворајќи го овој момент во незаборавно искуство. Среде летот, тој изненадувачки се појавил со прстен и го поставил најважното прашање пред присутните патници и екипажот.
Меги, видно трогната од гестот, ја прифатила понудата, а оваа емотивна сцена била овековечена со фотографии и видеа кои Шаби подоцна ги споделил на своите профили на социјалните мрежи.
„Лесно е да се клекне на земја, но клекнете во лет да ве видам“, напиша одбојкарот.
