Животот на 29-годишната самохрана мајка, Емилија Пешева, трагично заврши на почетокот на ноември оваа година, кога беше лишена од живот од страна на нејзиниот партнер, Ф.З. (25).
Според информациите од Министерството за внатрешни работи, тој прво ја нападнал и претепал, а потоа ја задавил во напуштен објект во Штип. По сторениот чин, самиот се предал во полиција.
Семејството на Емилија, освен за обвинението за убиство што беше поднесено од Основното јавно обвинителство Штип, смета дека обвинетиот треба да одговара и за друго дело – разбојништво.
Вујкото на младата жена, Есад Сала, во изјава за „Фокус“ открива дека кога Ф.З. ја повикал Емилија на разговор, таа со себе носела околу 4.000 денари.
Тој, како што објаснува Сала, ѝ ги одзел парите преку физички напад, а потоа ја задавил. По убиството, осомничениот наводно заминал во казино. Во име на целото семејство, Сала бара најстрога казна – доживотен затвор без можност за помилување.
Целиот текст прочитајте го на „Фокус“ (КЛИКНИ ТУКА).
