За ефикасно функционирање на хидросистемот „Ѓавато“ и задоволување на потребите за водоснабдување на Дојранското Езеро, неопходно е целосно обновување, реконструкција и санирање на системот.
Ова е наведено во мислењето на Министерството за животна средина и просторно планирање (МЖСПП), доставено како одговор на барање од Општина Дојран.
„Работата на две или три пумпи, кои обезбедуваат проток од 200 до 300 литри во секунда, не е доволна за постигнување на саканиот ефект на подигање на нивото на езерото,“ се наведува во мислењето од МЖСПП.
Хидросистемот „Ѓавато“ е клучен за одржување на биодиверзитетот во Дојранското Езеро, кое е природен и туристички ресурс од национално значење. Зголемувањето на нивото на водата не само што ќе ја стабилизира екосистемската рамнотежа, туку ќе придонесе и за економскиот развој на регионот преку подобрување на условите за туризам и локалното население.
