Процесот за пристапување на Бугарија и Романија кон Шенген-зоната започна уште во 2011 година, кога Европската комисија првпат потврди дека овие две земји ги исполнуваат критериумите за членство.
По долгогодишни преговори и напори, конечно, од 1 јануари 2025 година, Бугарија и Романија ќе станат полноправни членки на Шенген-зоната.
Министрите за внатрешни работи на земјите членки на Европската Унија (ЕУ) ја донесоа историската одлука за укинување на граничните проверки на внатрешните копнени граници помеѓу Бугарија и Романија, како и со останатите членки на Шенген-зоната.
Оваа промена ќе стапи на сила од првиот ден на 2025 година, што ќе придонесе за поголема слобода на движење и олеснување на транспортот и трговијата.
