Јапонскиот оперски пејач Казухиро Котецу, познат по својата љубов кон македонската музика, во ресторан ја запеа емотивната песна „Едно име имаме“. Со својот уникатен глас и искрена интерпретација, Котецу уште еднаш успеа да ја доближи македонската култура до светската публика.
Во изминатите години, тој сними и сподели голем број видеа во кои пее познати македонски песни, меѓу кои се „Македонско девојче“, „Ако умрам ил’ загинам“, „Болен ми лежи Миле поп Јорданов“, „1762 лето“ и многу други.
Секое негово издание е дочекано со ентузијазам од македонската и меѓународната публика, кои го ценат неговиот искрен однос кон македонската музичка традиција.
