Во раните утрински часови, со почеток во 01:30 часот, во Приштина беше одржана итна седница на Советот за безбедност. Со седницата претседаваше премиерот на Косово, Аљбин Курти, кој претходно имаше средба со командантот на КФОР. Исто така, во полноќните часови, Курти се обрати на вонредна прес-конференција, каде го информираше јавноста за најновите случувања.
Во меѓувреме, екипи на терен работат на санација на оштетувањата на каналот Ибар-Лепенац, кој е од голема важност за регионот. Според извештаите, во близина на Доњи Варага, синоќа околу 19 часот, било активирано значително количество експлозив, предизвикувајќи сериозни оштетувања.
Како и во претходните случаи, премиерот Курти, претседателката Вјоса Османи, како и Советот за безбедност, ги обвинија Русија, Србија и одредени делови од српската заедница во Косово за одговорност за овој инцидент, нагласувајќи дека се работи за акт кој дополнително ги продлабочува тензиите во регионот.
