По десет обиди со ин витро оплодување и исто толку спонтани абортуси, 61-годишна жена конечно ја оствари својата најголема желба – да стане мајка. Таа го донесе на свет синот Петар, кој при раѓањето тежеше 2.350 грама и беше долг 48 сантиметри.
Новороденчето, кое го доби името Петар, е резултат на извонреден медицински подвиг. Мајката успеала да зачне со помош на сопствена јајце-клетка која била замрзната пред извесно време. Бременоста е остварена преку ин витро оплодување, а целиот процес, од следењето на бременоста до самото породување, бил спроведен во земјата. Породувањето успешно се реализираше на Универзитетската клиника за гинекологија и акушерство во Скопје.
„Бебето Петар, кое тежи 2 килограма и 350 грама и е долго 48 сантиметри, претставува симбол на напредокот во нашата медицина и можностите што ги нуди современата технологија за остварување на родителските соништа“, истакна директорката на Клиниката за гинекологија и акушерство, д-р Ирена Алексиоска-Папестиев.
