Попладнево во скопското село Арачиново се случила престрелка во која бил инволвиран Шенол Маслани, во јавноста познат како Шенки Версаче, дознава „4news.mk“. Според достапните информации, во инцидентот е повреден Шенад Ајдини, кој се здобил со повреди во престрелката.
Да потсетиме, Шенол Маслани е брат на Фарук Маслани, кој пред извесно време беше помилуван од страна на претседателката Гордана Силајновска, што предизвика бројни реакции и поделени мислења во јавноста. Овој случај го привлече вниманието на јавноста и медиумите, особено поради контроверзиите што ги следеа помилувањето.
Инцидентот е предмет на истрага, а наскоро се очекуваат повеќе информации.
