Легендарната хумористична емисија „К-15“, позната по неповторливото трио Бранко Огњановски, Љупчо Бубо Каров и Васко Тодоров, наскоро повторно ќе се врати на телевизиските екрани.
Оваа радосна вест ја објави Бранко Огњановски, познат како Миле Паника, на своите профили на социјалните мрежи Инстаграм и Фејсбук, по повод 30-годишнината од почетокот на емитувањето на првата сезона.
Три децении подоцна, „К-15“ останува симбол на уникатен хумор и сатирични коментари за општествените случувања. Обожавателите со нетрпение го очекуваат новото издание, кое ветува да го продолжи духот на ова култно шоу.
„Утре (23.11) во „пет до дванаес“, сите на К-15 каналите – Васко, Бранко и Бубо ќе ви кажат два-три многу битни збора“, објавија на нивниот профил.
