Украинскиот претседател, Володимир Зеленски, призна дека враќањето на полуостровот Крим, кој Русија го анектираше во 2014 година, е можен само преку дипломатски средства.
Во интервју за „Фокс њуз“, снимен додека патуваше со воз низ Украина, Зеленски истакна дека ослободувањето на Крим по воен пат би барало неприфатливо висока цена во човечки животи.
„Свесни сме дека Украина во овој момент нема доволно воени ресурси за да ја истера Русија до границите од 1991 година. Би било неморално и неразумно да ризикуваме десетици илјади животи на нашите граѓани за враќање на Крим со воени средства. Решението за овој сложен проблем може да биде пронајдено единствено преку дипломатски преговори,“ изјави Зеленски.
