Водителот Ване Маркоски и овој пат ја докажа својата посветеност, хуманост и искрена грижа за заедницата. Неговата подготвеност да помогне во моменти на потреба е добро позната, со оглед на тоа што има учествувано и организирано бројни хуманитарни активности и иницијативи.
Овој пат, тој не остана нем набљудувач на проблемот што ги погоди голем број граѓани на Скопје, кои се соочуваат со отежнато секојдневие поради недостатокот на редовни автобуски линии.
„Ако на некој му е потребен превоз наутро до работа во 05:50 часот, со оглед на состојбава со ЈСП, на релација од Сопиште ( црква Света Мина ), преку Теферич, Кисела вода (Шампионче), Црвен Крст, МРТ (крајна дестинација), слободно нека ми пише во порака да се организираме“, објави Маркоски.
