По добиената пријава, надлежните веднаш реагирале и утврдиле дека во едно средно училиште, повеќе ученици физички нападнале малолетник од селото Селце, кој исто така учи во истото училиште. Како резултат на нападот, жртвата се здобила со повреди и била пренесена во Ургентниот центар во Тетово за укажување на неопходна лекарска помош.
Полициските службеници од СВР Тетово брзо презеле мерки и привеле двајца од учесниците во инцидентот, Е.Б. (18) и Л.Ц. (18), и двајцата жители на селото Мала Речица и ученици во истото училиште.
За случајот е информиран и надлежен јавен обвинител, а истрагата за целосно расчистување на околностите околу овој инцидент е во тек, соопштија од Министерството за внатрешни работи.
