Црквата „Свети Архангел Михаил“ во селото Тубравиќ покрај Ваљево прв пат се спомнува како манастир во турските пописи од 1560 година. Историчарите, благодарејќи на пронајдените остатоци од старата градба и гробови во дворот, заклучиле дека првобитната црква најверојатно потекнува од 15. век.
Податоците за таа градба нема премногу, но се смета дека манастирот веројатно бил уништен со текот на годините. Црквата која беше потопена во 2016 година е изграденa по Второто српско востание, по примерот на традиционалните дрвени цркви. Првиот писмен податок за неа го оставил Јоаким Вујиќ во 1826 година.
Последните промени на црквата се направени во 1930 година, кога било изградена купола во неовизантиски стил. На црквата се наоѓало и ѕвоно од 1860 година.
Во 90-те години од минатиот век постоел план за изградба на акумулација во регионот кој вклучувал и црквениот имот. 2003 година, владиката Лаврентиј дал согласност за потопување на црквата по изградбата на новата црква за потребите на акумулацијата.
Со големо противење од дел од јавноста, црквата била потопена во 2016 година, откако од неа биле изнесени сите свети предмети, иконописот, како и ѕвоното од 1860 година.
Благодарение на членови на нуркачко-спасителниот клуб „Борац“, јавноста денес има можност повторно да ја види црквата. Нуркачкиот тим се спуштил на 18 метри длабочина, до потопената црква, каде извршиле снимање на нејзината внатрешност. Поради многу ниската температура на водата и ограничената видливост, нуркањето во ова езеро е можно само неколку пати годишно, со користење на специјализирана опрема.
