Министерот за здравство, Арбен Таравари, изјави за „Глас на Америка“ дека во македонскиот здравствен систем има сериозен недостиг од кадар, истакнувајќи дека се потребни најмалку 1.000 лекари за да се стабилизира состојбата.
Според него, потребата е итна и бара брза акција, со цел до крајот на следната година да се обезбеди соодветен број медицински професионалци.
За да се подобри ситуацијата, Владата донела одлука да вработи 600 специјалисти од приватниот сектор. Од овие нови вработувања, 300 лекари се очекува да започнат со работа до крајот на оваа година, додека останатите 300 ќе бидат ангажирани во текот на наредната година.
Таравари нагласи дека ова е клучен чекор за да се одговори на зголемените потреби на здравствениот систем и да се обезбеди поквалитетна здравствена заштита за граѓаните.
