Според германскиот медиум „Билд“, жената неодамна се разделила од сопругот, кој бил македонски државјанин. По долг период на семејно насилство, жената на крајот на октомври се преселила со своите три деца во нов стан во Дортмунд.
30-годишна жена била убиена во Дортмунд, Германија, откако била избодена со месарски нож од страна на нејзиниот сопруг од Македонија. Настанот се случил пред очите на нејзините малолетни деца, пренесува Билд.
Жената планирала да се разведе и да започне нов живот далеку од насилниот сопруг. По инцидентот, мажот побегнал, оставајќи ја жената да крвари во ходникот. Токму децата, на возраст од 3, 4 и 6 години, ги известиле соседите за трагичниот настан.
