Пет лица ги загубија животите кога мал авион се урна веднаш по полетувањето од аеродромот во Феникс и удри во возило, информира американската полиција.
Според американските медиуми, несреќата се случила вчера при полетување од аеродромот Фалкон Филд во Меса, во близина на Феникс, Аризона. Ова е потврдено и во соопштението на локалната полиција.
Лесниот авион од типот Хонда ХА-420 се урнал и удрил во возило во непосредна близина на аеродромот околу 16:40 часот по локално време, соопшти Федералната управа за авијација на САД.
Полицијата потврди дека сите пет лица на местото на несреќата го загубиле животот.
