Во скопската општина Ѓорче Петров, ООУ „Димитар Поп Георгиев Беровски“ добива нов, модерен спортски терен.
„Започнуваме со реконструкцијата на фудбалското игралиште во ООУ „Димитар Поп Георгиев Беровски“, кое ќе биде опремено со нова тартан подлога. Ова ќе обезбеди подобри услови за спорт и рекреација на учениците. Покрај тоа, во дворот на училиштето изведовме и ново фудбалско игралиште со подлога од вештачка трева, која е во согласност со најновите стандарди за училишен спорт. Со тоа целосно го заокруживме проектот“, објави градоначалникот на општината, Александар Стојкоски.
Тој додаде дека општината ќе продолжи со реконструкцијата на спортските терени и дека во наредниот период планираат обновување на игралиштата во ООУ „Мирче Ацев“ и ООУ „Страшо Пинџур“.
