Ања Р. (23), студентка од Параќин, е сериозно повредена откако падна на покривната конструкција на железничката станица во Нови Сад. Во моментот се наоѓа во критична состојба во Клиничкиот центар на Војводина, каде што е подложена на ампутација на раката поради сериозноста на повредите.
Има и внатрешно крварење, а состојбата дополнително се комплицира поради тоа што е на дијализа, според информациите од српскиот медиум „Телеграф“.
– Ања се нашла во Нови Сад во несреќно време. Нејзиното момче живее таму. Можеби била на пат за Белград или штотуку пристигнала. Се молиме да издржи – кратко изјавила нејзината братучетка.
Младинскиот женски кошаркарски клуб стои зад Ања, која беше активна членка на тимот. Тие порачуваат дека оваа битка за нејзиниот живот мора да се добие.
Да потсетиме, падот на настрешницата во Нови Сад резултираше со 14 загинати, додека уште три лица, меѓу кои две жени и еден маж, се во критична состојба и се лекуваат во болница.
