Руските власти денеска соопштија дека огромната казна од 2,5 квинтилиони долари, која московскиот суд ѝ ја изрече на „Гугл“, е со цел да се поттикне американската технолошка компанија да ги отстрани ограничувањата за емитување на руските државни канали на „Јутуб“.
Како што пренесува „Гардијан“, оваа казна далеку ја надминува вкупната количина на пари во светот.
„Не можам ни да ја изговорам оваа бројка, но најверојатно станува збор за симболична сума,“ изјави портпаролот на Кремљ, Дмитриј Песков, за руските медиуми.
Песков кажа дека казната има за цел да изврши притисок врз „Гугл“ да престане со ограничувањата на руските радиодифузери на платформата.
