Во Кавадарци денеска се одржува Првиот фестивал на македонскиот автомобилизам, организиран од автомобилскиот YouTube канал RPMmk. Овој настан има за цел да одбележи и промовира македонскиот автомобилизам како важен дел од националната култура, да се подигне сообраќајната култура, да се оддаде почит на успешните автомобилисти и да се презентираат новитетите во автомобилската индустрија.
„Фестивалот на македонскиот автомобилизам е возбудлива можност за прослава на автомобилската индустрија во нашата земја, за промоција на градот и државата. Ние сакаме да покажеме предностите и можностите кои ги нудат различните автомобилски брендови, како и да зачуваме автомобилската историја во Македонија, поставувајќи нови граници и традиции“, истакнуваат организаторите.
На фестивалот ќе присуствуваат импортери на нови возила, олдтајмери, тјунинг возила, луксузни и уникатни автомобили, како и компании и сервиси кои нудат разни услуги за автомобили. Спортски легенди и спортски автомобили исто така ќе бидат дел од оваа единствена еднодневна прослава.
Фото: My Dealer Macedonia
