Фото: Принтскрин
Руските сили напредуваат во неколку источни украински градови, приближувајќи се до остварувањето на целта – освојување на стратешкиот град Покровск, објавија руски и украински воени блогери.
Групата „DeepState“, блиска до украинската војска, објави на апликацијата „Telegram“ дека непријателот напредувал во градот Селидово.
Руските сили од минатата недела го напаѓаат рударскиот град Селидово, кој се наоѓа во украинскиот регион Доњецк.
Освојувањето на овој град би овозможило понатамошен напредок на руските сили кон важниот логистички центар Покровск, кој се наоѓа на околу 20 километри северозападно.
Руската новинска агенција „SHOT“ на „Telegram“ објави дека руските сили контролираат 80 проценти од Селидово.
