Вечерва избувна пожар во еден дел од туристичкиот комплекс Манастир во Берово, кој предизвика загриженост кај локалното население и посетителите.
Според првичните информации, на местото на настанот веднаш пристигнале екипи на Територијалната противпожарна единица Берово, кои по добиената дојава реагирале брзо и започнале со гасење на пожарот.
Сè уште нема прецизни информации за обемот на пожарот и степенот на евентуалната материјална штета, но надлежните органи најавија дека повеќе детали ќе бидат соопштени во текот на вечерта.
Ситуацијата е под контрола, но екипите остануваат на терен за да спречат било какво дополнително ширење или повторно разгорување на пожарот.
