Претседателот на грчката управа за спречување на перење пари, Хараламбос Вурлиотис, замрзна банкарски сметки и имот на сопственици на ноќни клубови на Пелопонез, поради сомневања дека примале пари од два високо рангирани свештеници од Католичката црква на Грција.
Ревизијата покажала дека од средствата на Католичката црква во ноќни клубови биле инвестирани околу 3 милиони евра, во тек на последните осум години. Големи суми од сметки водени од двајцата свештеници завршувале на сметките на сопственици на клубови, што значело дека црковните средства биле употребени за „инвестиции“ во овие бизниси.
Банките ги означиле трансакциите како сомнителни, по што е започната истрага за откривање на сите инволвирани. Управата утврдила дека сумата од 3 милиони евра била проневерена, а идентитетот на свештениците и бизнисменот е откриен. Последната сомнителна трансакција од 50.000 евра е регистрирана пред неколку дена.
