Фото: Принтскрин
Полициските службеници од СВР Битола, во рамките на унапредените безбедносни активности, спроведоа акциска контрола во раните утрински часови на 13 април (00:30 часот) во повеќе ноќни локали и објекти за забава во градот, кои претходно беа идентификувани како ризични локации каде што често се присутни малолетници.
При контролата, во еден клуб на улицата „Климент Охридски“ биле затекнати 16 малолетни лица, додека дополнителни четворица малолетници биле откриени во друг угостителски објект на булеварот „1-ви Мај“.
По интервенцијата, сите малолетници биле предадени на нивните родители, а службите веќе работат на целосно документирање на случаите.
