Директорот на Центарот за вонредни ситуации, Хуан Мануел Мендез, соопшти дека прелиминарниот број на загинати се искачил на 58 лица, како резултат на уривањето на покривот на ноќниот клуб „Џет Сет“ во Доминиканската Република.
Тој исто така изјави дека досега биле извршени 155 транспорти до болничките центри. Генералот потврди дека тимовите на надлежните служби моментално вршат пребарување на пет локации, со посебен фокус на три точки каде што се слушаат звуци под урнатините.
Во однос на пејачот на меренге музиката, Руби Перес, изјави дека сè уште се трага по уметникот под урнатините, како и по сите лица што семејствата ги пријавиле како исчезнати.
