Обвинетиот Менсур Пајазити е осуден на две години затвор, одлучи денеска Основниот суд во Тетово по одржаното рочиште на кое тој лично присуствуваше. Пајазити ја призна вината веднаш по читањето на обвинителниот акт.
Случајот се однесува на трагичниот настан од септември 2022 година, кога Пајазити со своето возило ја прегази 22-годишната Теодора Ристевска.
Првично, тетовскиот суд му изрече казна од три и пол години затвор, но по поднесената жалба од страна на одбраната, Вишото јавно обвинителство во Гостивар ја прифати иницијативата, а Апелациониот суд одлучи да ја намали казната на две години.
