Матичните лекари најавија едночасовен прекин на работата, од 11 до 12 часот, како предупредувачка мерка против новината во системот „Мој термин“.
Според изјавата на претседателката на Здружението на приватни матични лекари, д-р Лилија Чолакова Дервишова, новите измени значително го отежнуваат процесот на преглед и издавање терапија, бидејќи без автентикација преку мобилен телефон, лекарите нема да можат да им овозможат здравствена услуга на пациентите.
Оваа процедура подразбира дека при секој преглед или издавање на терапија, докторот или медицинската сестра треба најпрво да го побараат телефонскиот број на пациентот, да го внесат во системот, да почекаат повратен код и дури потоа да продолжат со работа.
