Македонскиот ски-центар „Попова Шапка“ предизвика реакции откако на своите официјални профили на социјалните мрежи објави содржина посветена на одбележувањето на Денот на независноста на Косово.
Во објавата, напишана на албански јазик, беше наведено „На Попова Шапка ја прославуваме независноста на Косово! По повод 17-ти февруари, Денот на независноста на Косово, организираме специјална прослава за вас!”.
По бурните реакции на социјалните мрежи, но и македонската јавност, објавата за прослава на Денот не независноста на Косово беше избришана.
На профилот има нова објава, каде што повторно се нуди попустот од 30 проценти на 17 февруари, но овој пат нема наведено дека се слави ден на независност на друга држава и ги нема косовските знамиња.
