Во раните утрински часови, сведоци сè почесто пријавуваат случаи каде што непознати бели комбиња исфрлаат цели глутници кучиња во урбаните средини.
Здружението за заштита на животните „Анима Мунди“ објави дека ваквата практика може да има сериозни последици врз безбедноста на граѓаните и благосостојбата на самите животни.
„Наместо хуман третман – нелегална дислокација на бездомни кучиња.
Кој, наместо да го реши проблемот со бездомните кучиња, само го префрла на друг?
Во последните години, со сè поголем интензитет, очевидци низ повеќе градови сведочат за појава што предизвикува загриженост: бели комбиња кои во раните утрински часови испуштаат цели чопори бездомни кучиња.
Дека ова навистина се случува, не мора да се биде очевидец – доволно е да се забележат групи од десетина дезориентирани кучиња кои не се обележани со маркици, панично се движат по булевари и очигледно пуштени во средина што им е непозната“, велат од Здружението.
