Возачот Васил Јованов ја прегази младата и перспективна Фросина Кулакова, но тука не запрело неговото дивеење, туку се обидел преку својот адвокат бесрамно да влијае и да се спаси од притвор.
„Јованов, преку адвокатот Сашко Дуковски, посочил дека не може да влијае на постапката бидејќи сите докази потребни на истрагата веќе се собрани. За можноста да избега, посочил дека е невозможно бидејќи пасошот му бил во судот. Тврдел и дека не може да го повтори делото, бидејќи, бил психички паднат, како и дека го погодил настанот“, се вели во објавата на „Скопје1“ (Клик тука за да ја прочитате).
Со самата помисла дека треба да се спаси од притвор, најверојатно плашејќи се од правдата, покажува всушност за каков психопат станува збор. А неговите претходни дела доволно говорат за тоа дека воопшто не бил „чист“ пред лицето на правдата, но досега успевал да избега од затворска казна.
Неговото најново кривично дело, кое може да го окарактеризираме како убиство, поради брзината со која се движел и сè останато кое влијаело за да ѝ го одземе животот на Фросина и да го зацрни нејзиното семејство, сепак најверојатно нема да му дозволи повторно да излезе на улица и да беснее со возилото на неговиот татко, кој му го дал, иако бил свесен дека неговиот син нема ниту возачка дозвола, а со самото тоа прави прекршок.
