Фото: Принтскрин
Доналд Трамп, веднаш по денешната инаугурација, планира да потпише повеќе од 200 различни извршни мерки, меѓу кои ќе има извршни наредби, кои се правно обврзувачки, како и прокламации и директиви, кои имаат симболичен карактер и не се задолжителни.
Извршната наредба претставува официјален документ со кој претседателот дава инструкции до федералните агенции и ја спроведува својата политичка агенда без потреба од одобрение од Конгресот.
Овој механизам му овозможува на претседателот брзо да воведе промени во политиките и да ги зајакне своите приоритети, но со ограничување – тие мора да бидат во согласност со постоечките закони и Уставот. Во спротивно, можат да бидат оспорени и поништени преку судски преглед.
За време на својот прв мандат, Трамп потпиша вкупно 220 извршни наредби, од кои некои предизвикаа контроверзии и беа предмет на правни спорови.
