Администрацијата на американскиот претседател во заминување, Џо Бајден, најавува дополнителни санкции против Русија како одговор на нејзините воени активности во Украина.
Според два извори запознаени со ситуацијата, санкциите ќе бидат насочени кон танкерите кои превезуваат руска сурова нафта по цена повисока од 60 долари за барел, што е горната граница утврдена од Западните земји.
Се проценува дека рускиот претседател Владимир Путин располага со флота од стотици бродови, со кои успешно ги заобиколува постоечките санкции.
Од почетокот на конфликтот во 2022 година, веќе се воведени рестрикции за десетици бродови, што, според извештаите на Ројтерс, е дел од глобалните напори за ограничување на руската економска моќ преку нејзиниот извоз на енергенси.
