Според информации објавени од повеќе медиуми, поранешниот прв вицепремиер Артан Груби веќе ангажирал правен тим кој ќе го застапува во предметот што се води против него. Обвинувањата се поврзани со наводна проневера на повеќе од 8,2 милиони евра од Државната лотарија, случај што предизвика силен одек во јавноста.
Наводно, адвокатот Владимир Доневски уште синоќа бил присутен во Јавното обвинителство, каде наводно доставил предлог во име на неговиот клиент. Според неофицијалните информации, Доневски предложил доколку Груби се врати во земјава, против него да биде определена поблага мерка за обезбедување присуство, како што е куќен притвор, наместо класичен притвор.
Сепак, овие наводи кои кружат во медиумите до овој момент не се потврдени од официјални извори.
