(ВИДЕО) МВР го казни возачот кој блокираше сообраќај во Скопје

Министерството за внатрешни работи (МВР) соопшти дека бил пронајден и казнет возачот кој блокираше сообраќај во Скопје.

„Санкциониран возачот кој со возило го попречуваше сообраќајот во центарот на Скопје

Во врска со видеото споделено во дел од социјалните медиуми на кое се гледа како едно патничко возило на 05.10.2026 го попречува движењето на други возила во централното градско подрачје во Скопје на крстосница од ул.11-ти октомври, ул.Даме Груев и ул.Филип Втори Македонски,

денеска (07.10.2026) во СВР Скопје е повикан Н.В. сопственик на патничко возило “голф” со скопски регистарски ознаки.

Од страна на СВР Скопје кон Н.В. преземени се мерки по член 3 став 3 од Законот за безбедност на сообраќајот на патиштата“, соопшти МВР.