„Паричките ги заработивме со земјоделие, ги чувавме за стари денови“, вели мајката на судијата Ѓоко Ристов за 350.000 евра

Мајката на судијата Ѓоко Ристов, Донка Ристова на судењето кажа дека парите пронајдени во ѕид во семејната куќа се нејзини и на сопругот Здраве.

Донка кажа дека имале околу 350.000 евра, заштеда од земјоделска работа, која ги чувале за стари години и тешки денови.

„Тоа беше во горната ниша, зад фрижидерот. Плочката беше залепена на четири места за да не падне. Од 1975 година е направена и си ставав по некое париче на тоа место. Ниту е ѕидано, ниту е кршено. Тие ни беа гаранција за стари години, за тешки денови. Тие парички се цел живот печалени“, кажа таа.