Фото: Принтскрин
Возачите од полноќ ги очекуваат нови, повисоки цени на горивата. Регулаторната комисија за енергетика донесе одлука со која малопродажните цени на нафтените деривати во просек се зголемуваат за 2,62 проценти.
Најголемо поскапување има кај дизелот, чија цена се зголемува за 3,50 денари по литар. Со новата цена, еден литар ЕУРОДИЗЕЛ ќе се продава за 101,50 денари.
Повисоки цени ќе има и кај бензините. ЕУРОСУПЕР БС-95 поскапува за 1,50 денари и од полноќ ќе чини 93 денари за литар, додека ЕУРОСУПЕР БС-98 ќе се продава по 95 денари за литар.
Новите максимални малопродажни цени се:
- ЕУРОСУПЕР БС-95 – 93,00 денари за литар
- ЕУРОСУПЕР БС-98 – 95,00 денари за литар
- ЕУРОДИЗЕЛ БС (Д-Е V) – 101,50 денари за литар
- Масло за горење Екстра лесно 1 (ЕЛ-1) – 100,50 денари за литар
- Мазут М-1 НС – 45,576 денари за килограм
Со последната корекција, дизелот повторно ја надмина границата од 100 денари за литар, што дополнително ќе ги зголеми трошоците за возачите и транспортот.
Новите цени стапуваат во сила од полноќ.
Веста ја пренесува Skopjeinfo.mk
