Искра Донева е жена со церебрална парализа, која се соочува со огромни животни предизвици. Не може сама да го помине прагот на својот стан, а секојдневно мора да совладува 17 скали, објави „ТВ21“.
До пред шест години живеела со мајка си, која поради здравствени проблеми е сместена во дом за стари лица. Оттогаш, Искра се грижи сама за себе, водејќи ја својата животна борба со многу сила и упорност.
Ситуацијата дополнително се усложнува поради нерешената оставинска постапка за станот каде што живее, што ја спречува да го прилагоди просторот на своите потреби и да создаде полесни услови за секојдневно функционирање.
Во овој момент, Искра им се обраќа на сите хумани луѓе со молба за помош во обезбедување соодветен простор за живеење – место кое ќе ѝ овозможи достоинствен живот, не само за неа, туку и за нејзиното идно семејство.
– Ми треба простор од било кој вид – плац каде што би можела да го поставам куќичето од соништата, магацински простор или дури и привремено решение. Ако некој има стан или куќа на рамно што не ја користи, тоа би било огромна помош, особено за зимскиот период, изјави Искра Донева, надевајќи се на добрината на луѓето.
Вашата поддршка може да ѝ го промени животот и да и донесе нова надеж за иднината.
Повеќе за тоа може да прочитате на „ТВ21“.
